ვაიმე, ერთთავად ბიჭები თხილხევში
თქვენს დასახელთავად დგანან,
ვაიმე, ბილიკზე ვიღაცა მიხვნეშის,
დაგლანდეს, ირემო, განა?
გაქუსლე, ტკაცუნი არ გესმის? არიქა!
თორემ ამ მთასავით ამაყს
სამწვადედ აგქნის და მადისთვის დაისხამს.
ტიკიდან ერთ ჭიქა არაყს!
ეგ შენი თვალები,
ცრემლად რომ ანთია,
არ გაათავებენ მდურვას,
ის მხარზე გაიდებს
შენს სხეულს ნატყვიარს
და ხრამებს გაჰყვება მგლურად.
ვაიმე, ირმებო! ეგ მონადირენი,
გარშემო თოფებით დგანან,
ვაიმე, დაგავიწყა სიფრთხილე, ირემო,
შენმა სიმამაცემ,
განა?